Det blir konsert med Kleive og Ad Cantus!

Kjære publikum til julekonserten med Ad Cantus og Iver Kleive i Lillehammer Kirke 10. desember.

Vi følger oppfordring fra kommuneoverlege Bergkåsa, og holder konsert som planlagt fredag kveld. Vi gleder oss til å synge for dere!

Viktig informasjon om smittevernstiltak under konserten:

– Bruk munnbind i kø og gangareal
– Hold 1 meters avstand til personer som ikke er egen kohort, både før, under og etter konserten
– Kom i god tid og vær tålmodig – vi vil anvise plasser til alle, og dette kan ta noe tid.

Velkommen til konsert!

Med hilsen styret i Ad Cantus

Liker du dette? Del med andre:

Klare for å møte folk att!

No har vi jobba mykje og godt gjennom hausten, og vi er snart klare til å vise kva vi har brukt tida på. Ikkje mindre enn to konsertar ventar dei neste vekene, den første allereie søndag 14. november i Sør-Fron kyrkje.

Då urframfører vi verket Ljosi Miklu, komponert av Ida Rønshaugen og med tekst fra Heimskringla. Dette er som del av tusenårsmarkeringa Hundorp 2021, og verket handlar om lokale hendingar for 1000 år sidan.

Her er ein liten snik-kikk frå ei øving:

Klikk på bildet!

Vi har òg førebudd jula så smått, og når konserten i Sør-Fron kyrkje den 14. november er ferdig, rettar vi merksemda framover til fredag 10. desember. Då byr vi på konserten som vart utsett frå i fjor, nemleg Hyrdenes tilbedelse saman med Iver Kleive.

Konserten bygger på Iver Kleive si juleplate med same namn, gitt ut i 2004. Plata består i sin heilskap av improvisasjonar og meditasjonar over julemelodiar, og innspelinga blei til i løpet av to einsame novembernetter ved flygelet i Kulturkirken Jakob.

Kleive vil dele sine vakre versjonar av dei tradisjonelle julesalmane med oss. Ad Cantus vil synge fleire av Kleive sine eigne korarrangement saman med han, og vil også framføre noko julemusikk a capella. Vi ønsker å ta publikum med inn i eit fredfullt musikalsk rom der vi kan finne ro og glede saman.

Denne konserten er i Lillehammer kyrkje klokka 21 om kvelden, og vi trur det kan bli ei roleg og fin avslutning på ein sikkert travel førjulsfredag! Billettar til konserten kan kjøpast på GD-billett, og er det nokre att på konsertdagen, kan ein kjøpe i døra.

Vi gler oss til dei neste vekene, det skal bli kjekt å få synge for publikum att!

Liker du dette? Del med andre:

Ljósi Miklu – Hundorp 2021

Det har blitt august, og endeleg er det offisielt:
Vi skal vere med og framføre tingingsverket Ljósi Miklu, skriven av Ida Rønshaugen for Hundorp 2021. Urframføringa skjer i Sør-Fron kyrkje den 14. november.

Det er forklaringa på at koristar frå Ad Cantus kan ha blitt observert mumlande på merkelege ord og fraser gjennom sommaren – vi skal synge på norrønt! Det er nemleg sjølvaste Snorre Sturlasson som har skrive teksten.

Vi har øvd kvar for oss nokre veker no, men snart startar vi å øve saman, så vi skal vere klare til november. Vi gler oss veldig!

Og er du songar, og tenkjer det kunne vore spennande å vere med på dette, kan du ta kontakt med dirigent Åshild og avtale prøvesong. Vi har plass til fleire også til dette prosjektet, som til konserten med Iver Kleive i desember. Sjå meir info her.

Sjå Hundorp 2021 si side for meir informasjon om verket. Har du abonnement på GD, kan du og lese om korleis komponist Ida og dirigent Åshild har jobba saman for at vi skal ha eit spennande, fint og ganske spesielt verk å gi til publikum når jubileumsåret går mot slutten.

Skjermdump frå GD. Heile artikkelen får du viss du opnar lenka under.

https://www.gd.no/tusenarsfesten-er-ikke-over-na-har-disse-to-spennende-planer/s/5-18-1393044

Liker du dette? Del med andre:

Vil du synge med oss?

Synge i Ad Cantus? No har du sjansen!

Ad Cantus hausten 2019

Vi i Ad Cantus er glade for at det ser ut til at vi no kan få begynne å synge saman igjen! Koråret som har gått har vore prega av utsetjingar, avlysningar og digital kontakt, og vi fekk ein utriveleg lang sommarferie i år. Songarane i koret vårt kjem frå kommunar i heile Gudbrandsdalen, og no ser vi fram til å samlast i Ringebu igjen for å starte koråret 2021/2022.

Fjorårets plakat, til konserten som måtte utsetjast til i år.

Ei hending vi gler oss veldig til, er julekonserten saman med Iver Kleive den 10. desember i Lillehammer kirke. Denne konserten skulle eigentleg vore i desember 2020, Som så mykje anna, måtte han avlysast – men det blei til ei utsetjing. Heldigvis ville Iver Kleive gjerne kome i år i staden!

Konserten er basert på Kleive si utgjeving Hyrdenes tilbedelse (2004), og vi gler oss til å bli akkompagnerte på flygel av denne kapasiteten i norsk musikkliv. Ad Cantus har samarbeidd med Kleive fleire gonger tidlegare, når vi har framført hans Requiem rundt i Noreg og ved eit par høve også andre stader i Europa. Vi er heilt sikre på at dette blir ei fin oppleving både for oss i koret og for publikum.

Vi vil gjerne dele denne gleda med fleire songarar! Vi har plass til nye songarar i alle stemmegrupper, og mest ledig er det i herrene sine rekker. Derfor vil vi gjerne invitere interesserte songarar til ein prat og trall med dirigent Åshild Haugstad, der ho vurderer om vi passar for kvarandre. Vi treng at du er glad i å synge og har noko kor-erfaring, at du klarer å øve på eigahand heime mellom øvingane, og at du kan setje av ca. ein laurdag pr månad til øving.

Bildet er frå oppstarten koronahausten 2020, med god avstand i Kaupanger, Ringebu, og nokre songarar på Facetime (sjå pc på stolen). Vi gler oss til det vi håpar blir meir normale tilstander i komande sesong!

Hvis du har lyst til å synge med Kleive, men er usikker på om det passar for deg å synge fast med oss, kan du vere med på julekonserten, og så bestemme deg etterpå for om du vil vere med vidare.

Og har du lyst til å synge mykje, kan Åshild også fortelje om eit anna prosjekt som vi har i haust, med urframføring av eit spennande verk i november.

Åshild får du tak i her: aashildalette@hotmail.com, tlf. 975 32 422

Vi startar øvingae i august, men ta gjerne kontakt med Åshild allerede no!

Liker du dette? Del med andre: